زاوية خضراء. بقلم: داؤد ابوكلام داؤد الحلو وحميدتي لقاء علي ضفاف نهر الجبل.

جوبا هذه المدينة الجميله لها سحر غريب مثل المىغنطيس تجذبك الي احضانها. سريعا وتجعلك تحبها رغم انفك (ماتقول ده من اثر شراب الفتايل الحامض). لا ادري سر هذه الجاذبيه هل هي الجاذبيه الاستوائيه؟؟ واي شخص شاف جوبا يعاوده الحنين للعوده مره تانيه ( ناس السلام ديل ذاتهم امور الرغيف دي لو ما انتهت ها يرجعوا جوبا ما اجمل لياليها). ناس الاستوائيه فيهم سماح وطيبه وابتسامه ورقه مثل مناخهم وفاكهتم.؟ يا سلام من الاناناس يا ناس؟ والباباي وشجر التك . مهما كان قلبك قاسي. جوبا تخليهوا يعمل تك.. تك.. تك؟؟ّ كن قاعدين تغالطوني اسالوا كباشي والتعايش.؟؟. مجرد اقتراب الطائره من مطار جوبا بعد خروجها من جبال السحب الكثيفه في سمواتها.؟ تتراءئ لك الخضرة والالوان الجميله لمساكنها التي تشبه عواصم افريقيا كمبالا ونيروبي واديس وجنوب افريقيا وروندا وبورندي.وغيرها وانت داخل المدينة ذات الطرقات بمنخفضاتها وعواليها وسياراتها الجميله الجديده وسرعتها الفائقه؟ ياسلام علي مدينة جوبا تاون والملكيه وسوق الجبل وكل احياءها وحشانها المحاطه بالقنا؟ وياسلام علي الفنادق والاستراحات علي ضفاف نهر الجبل.؟؟ خلاص.. خلاص نرجع خلو سرحتوا معاي؟؟ في هذه الزاوية قلت لكم من قبل؟ سلفاكير العملاق الصامت هو وحده من يملك مفتاح سلام السودان لانه هو القائد والاب الروحي لهذه الحركات بعد وفاة جون قرنق.؟؟ وله الكلمه العليا وكمان الكلام التحت تحت؟ وقد اختار لهذا الملعب اللاعب الحريف توت قلواك .مستشاره الامني ؟ هذه الشخصيه سيكون لها شأن اي شأن في مستقبل الايام؟ وكذلك ضيو مطوك عرفته سياسيا وكاتبا لا يشق له غبار.؟؟عندما كنت اشتري كتبه التي الفها بشأن السلام من مكتبة مطار جوبا.؟؟عفوا نعود للحلو وحميدتي.ولقاءهم بعد تسعة سنوات من الحرب الاخيره بجبال النوبه وسمعنا من قبل قالوا الحلو ؟؟ قال ما بجلس مع حميدتي لكن كلنا نعلم ان السياسة فن الممكن؟؟ لان بين الرجلين مراره؟ وكانت بينهم معركة شرسه جنوب كادقلي علي مشارف منطقة انقلوا في الطريق الي بحيرة الابيض؟؟معركه تركت في نفس حميدتي آلام واحزان؟؟ بعد نشوة الانتصار في قوز دنقوا بدارفور؟ جاء بمعنويات عاليه لحسم معركة جبال النوبه؟؟ ولكن التقي الحديد بالحديد؟:وكانت معركه خسر فيها ابناء السودان أنفس عزيزه.؟ وفقد حميدتي اعز ابناء عمومته وترقد اجسادهم الطاهره بمقابر دليل بالابيض؟؟ مما جعله وهو في حاله نفسيه سيئه؟؟ يشتبك مع احمد هارون عندما طلب من قواته مغادرة مدينة الابيض؟ حتي صالحهم الرئيس عمر البشير في ذلك الوقت؟؟ والذي افرحني وسرني تجاوز الحلو وحميدتي لهذه الآلام والاحزان والمرارات؟؟ ويصافح بعضهم البعض امس في جوبا من اجل السلام؟؟وهذه بشاره جعلتني اشعر كذلك بان حمدوك سيعبر وينتصر ههههههه.لانه هو اول من التقي الحلو في كاوده واثيوبيا؟؟اقول للحلو انت زول كبير كما تنازلته من اجل السلام وقابلته حميدتي؟ برضوا تنازل لللقاء اخوانك القاده/. جلاب وتلفون وبثينه دينار ومهندس كرتكيلا والقائد اسماعيل احمد. واردل؟. عارفك ما داير سيرة عرمان وعقار ؟؟ وده كلوا من اجل جبال النوبه وجنوب كردفان واستقرارها. وشايف اولادك في الحركة الشعبيه كايسين المشاكل مع الجماعه ديل؟؟؟ وجنوب كردفان ليس ملك للحركة الشعبيه حتي تشهر السلاح وتخوف الناس؟ هناك مكونات اجتماعية وثقافيه وسياسيه لها الحق للعيش في جنوب كردفان بحريه وسلام وعداله..؟ ونقول لزملائي في الادارة الاهليه بكل مكوناتها يجب حسم الفوضي بين الاهل سواء كان من جماعة الحلو او عقار او حتي جماعة الوالي حامد البشير وهو عارف كده كويس؟؟ لا نريد ان تكون ولايتنا مسرح للعبث والفوضي مره اخري؟؟. ونقول للقائد حميدتي انت برضك سبب اساسي لما جري في دارفور ومعك الحركات المسلحه. عبدالواحد ومني وجبريل وغيرهم في تشريد ونزوح ولجو اهلكم في دارفور؟ خلاص بدل عرباتك الكتيره دي بدلها؟ بتركترات وآليات للبناء والتعمير؟؟ وكمان علي ناس الحركات خلي اي واحد جاي لابس بدله ورابط كرفته ونازل الخرطوم؟ ملصوا البدل والبسوا العراريق وطوالي الي دارفور حتي يشعر الناس هناك بالطمانينه والامان بوجودكم وسطهم؟؟ ونقول لناس الشرق(ترك … مرق) عندكم حقوق بس كمان قغل الميناء والطريق القومي كده حا يتكسر المرق ويشتت رصاص أمن السوداني القومي؟؟ ونقول لناس الشمال شايفكم تحت… تحت ؟؟ في ناس قاعده تقول ده شغل اولاد دارفور. وهم كمان برضوا ؟ قالوا انتو سبب البلاوي في السودان يا ابناء الشمال منذ فجر الاستقلال؟؟. انصحكم خلو مجريات السلام دي تمشي كده مهما كان رأيكم فيها يا (حياة عبد الملك). برضوا السلام افضل من الحرب؟ عموما بقول لسعادة البرهان اعتزارك للشعب السوداني.امس بمناسبة احتفالات السلام سمح وكويس مابطال. خاصة بخصوص وعدك واعتزارك للشعب السوداني بخصوص حل مشكلة صفوف الرغيف والبنزين والغاز قريباّ والا كلامك ده حا يكون فارغ ذي كلام وزير التجاره مدني جرادل؟؟ ونقول لعبد الواحد نور نحن في انتظارك؟؟
المك/داؤد ابوكلام داؤد.الجمعة التاسع من اكتوبر 2020.